Dzindzimo 81:9 - Bhibhiliya Nya Guage

⁹ Mu nga khozeli vanungungulu nyamba vati, mu nga khozeli gimbe gilo vbavbandze ga Eni basi.

Dzindzimo 81:9 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

Dzindzimo 44:20

Naripwani hi di divala lina la Nungungulu wathu, hi khusedza mandza hi lombelela ga nungungulu nya mayigo,

Dzindzimo 50:7

“Yingisani, enu vathu vangu! Nyi ngu vbweta gu ganela nanu; gasi gu gu konisela uwe Israyeli. Eni kheni Nungungulu, Nungungulu wago.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Isaya 28:23

Tulani dzindzeve mu yingise lito langu, upwani mahungu nyi mi embelago.

Isaya 43:12

Eni nyi huwelede, nyi mi vbanyiside, nyi bwelo khavbo nyi si pwadza; nungungulu wa va nya mayigo, kha manega vbakari gwanu. Enu, khenu dzifakazi dzangu, angu ganela Pfhumu Nungungulu; eni kheni Nungungulu.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Dhewuteronome 32:12

kharati, nuye Pfhumu Nungungulu, khuye ekha basi a nga va gimbidzisa, nyamba phaswa khu mumbe nungungulu.

Dhewuteronome 6:14

U nga landreleli vambe vanungungulu avo va guromo vbakari nya mayigo ma gu randredego;