Dzindzimo 80:9 - Bhibhiliya Nya Guage

⁹ U dongisede wulime gasi gu li yala umo, mikhamba yaye yi tsitside vbavbatshi nya mafu, li navide li enedza litigo latshavbo.

Dzindzimo 80:9 Iomraidhean Croise

2 Samuweli 7:10

Nyi na dongisela wulanga ga vathu vangu va na Israyeli, nyi na va tiyisa gasi va vbaha umo, va si legalegi gambe, gima kha va na tshaniswa gambe khu vathu nya guvivbedwe khu monyo, kha nga guhegulani,

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

1 Dzipfhumu 4:25

Judha ni Israyeli, gu di vbanya na gu tiyide, gukhugela Dhani kala Bherisebha, vathu va di vbanya gurulani, nyamba thava gilo, muthu ni muthu a khala mutsani nya kandzu waye ni nguhu waye, matshigu yatshavbo nya guvbanye gwa Solomoni.

1 Dzikoronika 21:5

Jowabhi a di ta ningela ga Dhavhidhe, tengo nya gilovela nya vathu; tigoni ga Israyeli gu diri ni likhulukhulu ni lizana magumi mazana (1.100.000) vama nya guphare matshari; tigoni ga Judha va diri mazana mana ni livbandre na mavili magumi magumi mazana (470.000) vama nya guphare matshari.

Dzindzimo 105:44

A va ningide litigo la vambe vathu, va hodza lithonga la vambe vathu,

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Isaya 27:2

Khu litshigu lolo, gu na bani na guri ni lithembwe li tadego khu mihandro, va na embelela ga ilo, khavo:

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 37:31

Ga vale va tshadego nya linyumba la Judha, avo va vbulugidego, va na tsitsa mikhamba mafuni, matamo yaye ma ninga mihandro;

Isaya 5:2

A li limide a dusa siwindri, a gira libhiyo, a yala miuvha nya gutsakise; khu vbakari a di vbaha nyumba nya gukhale avbo ghadhi, a vbaha ni gikhwathi nya gugamele avbo dziuvha; a di gu lindrela gukhuye lithembwe li na velega dziuvha nya dzadi, aholu li di velega dziuvha nya guvave.

Jeremiya 12:2

U va yade, avo va thede mikhamba; va ngu dandra va ninga mihandro; va na ni Uwe khu magana, aholu khu myonyoni gwawe vomo hwindzo nago.

Jeremiya 2:21

Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Josuwa 24:12

Nyi di rumela gambe dzimifi mbeli gwanu, idzo dzi nga va tutumisago mbeli gwanu, gumogo gambe ni vafumeli vavili nya Vaamori, isoso khwa si kodza khu matshari yago ni wulaho wago.