Dzindzimo 80:19 - Bhibhiliya Nya Guage

¹⁹ Uwe Pfhumu Nungungulu nya Tshivba Yatshavbo, hi wuyise nyaluphye, ngangamedzisa khovbe yago, hi na vbanya.

Dzindzimo 80:19 Iomraidhean Croise

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 27:9

U nga nyi siheli khovbe yago, u nga dzudzugi githumi gyago khu likhulo; uwe khuwe basi muphasedzeli wangu, u nga nyi digi, gambe u nga nyi hotshi, Nungungulu muvbanyisi wangu.

Dzindzimo 31:16

Nyi nonedze gungangamela nya khovbe yago; u nyi vbanyisa khu lihaladzo lago.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 80:3

Uwe Nungungulu, hi wusedze; ngangamedzisa khovbe yago, hi na vbanya.

Dzindzimo 80:7

Uwe Nungungulu nya Tshivba Yatshavbo hi wusedze; ngangamedzisa khovbe yago, hi na vbanya.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.

Josuwa 1:7

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.