Dzindzimo 8:6 - Bhibhiliya Nya Guage

⁶ U mu ningide gu fumela mithumo ya mandza yago, U vegide silo satshavbo vbavbatshi nya migondro yaye:

Dzindzimo 8:6 Iomraidhean Croise

Genesi 1:26

Nungungulu a di khuye: “Hongoleni hi gire muthu khu mufananiso wathu, a godzana ni Ethu, gasi a fumele dzindzandzi dza phwani, ni sinyoni si vbuvbago ndrengelengeni, ni sirengo satshavbo si vbanyago mafuni.”

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 9:2

Sirengo satshavbo sa khabini ni sinyoni sa damboni, ni satshavbo si khwirirago khu lididi mafuni ni dzindzandzi dza phwani, satshavbo si na mi ningani githawo, mu na fumelani satshavbo.

Dzindzimo 110:1

Pfhumu Nungungulu a di ganela ga mune wangu, khuye: “Khala khu nyamudye gwangu, kala nyi vega valala vago vbavbatshi nya migondro yago.”

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Vaefeso 1:22

Nungungulu vegide silo satshavbo vbavbatshi nya migondro ya Kristo, a mu emisa kha nga muthangeli nya silo satshavbo ni hungo nya Libandla.

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Vahebheru 2:8

u mu ningide tshivba nya gufumele silo satshavbo.” A gupwani Nungungulu a mu ningide “Tshivba nya gufumele silo satshavbo” gu yeyedza gupwani gimwalo ni gimwegyo gi si fumedwigo khu uye. Aholu ethu hi si gu woni gukhethu khu lisine muthu a ngu fumela silo satshavbo.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.