Dzindzimo 8:1 - Bhibhiliya Nya Guage

¹ Uwe Pfhumu Nungungulu wathu, lina lago li khusegide ngudzu mafuni gwatshavbo. Wufumu wago wa gu khusega vbatshani ngudzu guvbindra ndzadzini.

Dzindzimo 8:1 Iomraidhean Croise

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

Dzindzimo 145:1

Nyi na gu dhumisa uwe, Nungungulu Pfhumu yangu; nyi ngu gu bonga kala gupindruga.

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 36:5

Pfhumu Nungungulu, lihaladzo lago lomo ndzadzini, lisine lago li ngu vboha kala mapfhini.

Dzindzimo 57:5

Nungungulu, wonegisa wugulu wago ndzadzini; wudhumo wago wu na fenengedze litigo latshavbo.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Dzindzimo 68:4

Embani ga Nungungulu, mu dhumisa lina laye khu dzindzimo; tulelani ndzila oyu a khiledego vbatshani nya mapfhi. Lina laye khu Pfhumu Nungungulu, nengelani mahoni gwaye.

Dzindzimo 8:9

Uwe Pfhumu Nungungulu wathu, lina lago li khusegide ngudzu mafuni gwatshavbo!

Dzindzimo 81:1

Embelelani hi tsakela Nungungulu wathu; mu womba mikulungwane hi tsakela Nungungulu wa Jakobe.

Dzindzimo 84:1

Edzi yi mburidego khidzo nyumba yago nya miphaso, uwe Pfhumu Nungungulu nya Tshivba Yatshavbo!

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Isaya 26:13

Ama Pfhumu Nungungulu wathu, hi diri ni vambe vafumeli va hi fumedego, aholu khu kotani nya tshivba yago, ethu hi ngu rungudza lina lago.

Habhakuka 3:3

Nungungulu dzude khu Temani, uye a Agidego a guta khu gigomoni ga Parani. Wudhumo waye wu fenengedzide ndzadzini ni wuzundzo waye wu tadzide mafuni.

Matewu 22:45

Olu Dhavhidhe a mu ranago Pfhumu, gu ngu kodzega kharini gu Pfhumu a khale gambe gyanana gyaye?”

Johane 20:28

Tomasi a di khuye: “Pfhumu yangu, Nungungulu wangu!”

Vaefeso 4:10

Uye wule a nga relelago, khuye wa moyo a nga lita vbatshani ngudzu, Ndzadzini, afela gu enedza sivangwa satshavbo.

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!