Dzindzimo 79:5 - Bhibhiliya Nya Guage

⁵ Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Dzindzimo 79:5 Iomraidhean Croise

Dzindzimo 103:9

Kha hi tsayisi gikhati gyatshavbo, ni likhulo laye kha li simami kala gupindruga.

Dzindzimo 6:4

Wuya Pfhumu Nungungulu, u ta vbanyisa hefemulo wangu; nyi vbanyise khu wuhigo wago.

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Dzindzimo 80:4

Uwe Pfhumu Nungungulu nya Tshivba Yatshavbo, kala lini u na gorogelago nombelo wa vathu vago?

Dzindzimo 80:5

U hi thelede wusa nya marongo hi hodza, u hi ninga khokho nya gutale khu marongo hi sela.

Dzindzimo 85:5

Ina likhulo li na simama kala gupindruga, gani? Likhulo lago li na simama ni ga situgulwana si nga gutago, gani?

Dzindzimo 89:46

Uwe Pfhumu Nungungulu, ina u na hi sihalela kala gupindruga, gani? Likhulo li khondra gikhati gyatshavbo kha nga nilo, gani?

Dzindzimo 89:47

Dundruga gukhuwe womi wangu wu rode, muthu u mu wumbidego kha vbanyi matshigu nya gulaphe.

Isaya 64:9

Uwe, Pfhumu Nungungulu, u nga khuvegi ngudzu, ambari gu alakanyela gikhati gyatshavbo guvivba gwathu. Khu guralo, wona, ethu hi ngu gu lomba khethu: Ethu hatshavbo hi vathu vago.

Gililo 5:22

Ina kamwe u hi digede muphelo, gani? Ina u ngari ni likhulo ngudzu khethu, gani?

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Zakariya 1:12

Khavbo avbo, ngilozi ya Pfhumu Nungungulu, yi di wudzisa, khiyo: “Ama Pfhumu Nungungulu nya Tshivba Yatshavbo, u na kala lini nu si pweli wusiwana Jerusalema ni madhoropa yatshavbo ya Judha u ma tshanisago khu likhulo lago ndrani nya gipandre gegi nya livbandre na mavili magumi (70) myaga?”

Dhewuteronome 29:20

Pfhumu Nungungulu a na mu phawusa a mu vega phuvbo, ga mahundzu yatshavbo ya na Israyeli, gasi a thegedwa khu mabango ni sivalo nya gidzumeledzwano gegi si lovidwego Libhukuni momu nya Nayo.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”