Dzindzimo 79:1 - Bhibhiliya Nya Guage

¹ Uwe Nungungulu, tigoni gwago gu bede va nya mayigo va nyenyezisa nyumba yago nya guage, lidhoropa la Jerusalema va li giride marumbi.

Dzindzimo 79:1 Iomraidhean Croise

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 78:71

a nga bani a gu havisa umo dzinvuta, a di mu vega kha nga muhavisi wa Jakobe ni vathu vaye, ni muhavisi wa Israyeli thomba yaye.

Ekisodha 15:17

Uwe u na va bedza tigoni, u ya va vega mugigomoni gi gu lumbago; wulanga u va dongisedego gu ya va vbanyisa avbo, Uwe Pfhumu Nungungulu, wulanga nya miphaso wu giridwego khu mandza yago, Uwe Pfhumu Nungungulu.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 63:18

Khu gikhati gidugwana, vathu vago nya gukatege va dzegide litigo va li fumela; valala vathu va gandredzede nyumba yago nya guage.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf

Ezekiyeli 9:7

Uye a di va embela, khuye: “Nyenyezisani Nyumba ya Nungungulu ni gu tadza khu sirumbi makupakupa. Mu ngu dzi kodza gu hongola!” Avo va di duga, va phela gusongetela dhoropani gwatshavbo.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.