Dzindzimo 78:1 - Bhibhiliya Nya Guage

¹ Vathu vangu, yingisani sihevbudzo sangu, dembani ndzeve gasi mupwa esi nyi mi embelago.

Dzindzimo 78:1 Iomraidhean Croise

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 50:7

“Yingisani, enu vathu vangu! Nyi ngu vbweta gu ganela nanu; gasi gu gu konisela uwe Israyeli. Eni kheni Nungungulu, Nungungulu wago.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Mavingu 22:17

Demba ndzeve u yingisa magana ya va nya guti, vegedza monyoni sihevbudzo nyi gu hevbudzago.

Isaya 51:4

Nyi yingiseni, enu vathu vangu ni uwe litigo langu! Upwani esi nyi vbwetago gu mi embela: Khavbo gwangu gu na duga nayo, gululama gwangu gu na bani guri wenengedzo nya mayigo.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Matewu 13:9

Uye a gu ni dzindzeve nya guyingise, a napwe!”

Valamuli 5:3

Enu vafumeli yingisani! Upwani enu vamwamangulu! Nyi na dhumisa Pfhumu Nungungulu khu gu embelela, nyi na embelela ga Pfhumu Nungungulu wa Israyeli.