Dzindzimo 77:6 - Bhibhiliya Nya Guage

⁶ Nya gu pila wutshigu watshavbo na nyi pimisela silo nya guete, nyi phela gu hingigedzela, nyi dzi wudzisa nyabune, kheni:

Dzindzimo 77:6 Iomraidhean Croise

Joba 10:2

Nyi na embela Nungungulu, kheni: “U nga nyi rwegi nandru, nyi yeyedze igyo nyi gu ghohedego.

Joba 35:10

Aholu mwalo a ganelago, khuye: Womo hayi Nungungulu mugiri wangu, oyu a ningago dzindzimo nya wuzundzo vbawutshigutunu,

Dzindzimo 143:4

Kholu, hefemulo wangu wu vbede tshivba ndrani gwangu, nya gupwa monyo wu titivala khanani gwangu.

Dzindzimo 143:5

Nyi ngu dundruga matshigu ya gale, nyi ngu pimisela mithumo yago yatshavbo, nyi ngu alakanya siliwugiso u giridego khu mandza yago.

Dzindzimo 4:4

Thavani mu nga ghohi gambe, pimisani khu myonyoni gwanu na mu lade mu dzi rudzisa.

Dzindzimo 42:8

Aholu Pfhumu Nungungulu litshigu latshavbo a na nyi rumela lihaladzo laye, gasi nyi mu dhumisa vbawutshigutunu khu ndzimo, nyi gira nombelo ga Nungungulu a nyi ningago guvbanya.

Muhevbudzi 1:16

Nyi di alakanya khu monyoni gwangu, kheni: Nyi dzi girede wugengeli nya wukhongolo guvbindra vatshavbo va fumidego omu Jerusalema nyi si gu vbohi eni. Nyi hevbude ngudzu nyi mana mano ni wugengeli.

Gililo 3:40

Hongoleni hi khedzise mavbanyelo yathu, hi wuye ga Pfhumu Nungungulu.

Jona 1:2

“Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Mithumo 16:25

Ni vbakari nya wutshigu, Pawulo ni Silasi va di gira nombelo, va embelela dzindzimo nya gurungudze Nungungulu, simbe sibotshwa si di va yingisela.

Dhewuteronome 32:7

Dundruga matshigu yago ya gale, alakanya myaga ya galegaleyo myaga ya situgulwana ni situgulwana si vbindridego wudzisa babe wago, uye a na gu tshamusela, ni madhota yago, ayo ma na gu hevbudza!