Dzindzimo 77:2 - Bhibhiliya Nya Guage

² Litshigu nya wuvi, nya gu vbweta Pfhumu; vbakari nya wutshigu, nya gu khusedza mandza nyi lombelela nyamba garala; aholu hefemulo wangu kha wu mani gu tangadziswa.

Dzindzimo 77:2 Iomraidhean Croise

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Genesi 37:35

Sanana saye satshavbo nya vama ni vanyamayi si di dzi garadza khu gu vbweta gu mu tangadzisa, aholu uye a di bomba gutangadziswa, a ganela, khuye: “Ahihi! Nyi na lila gyanana gyangu kala nyi ya manana nagyo thowoni!” Khu kharati, babe waye a di simama a mu lila.

2 Dzikoronika 6:28

Mafuni ya gu manega ndzala, gu manega mitungu, gihala ni guhina nya dzimbewu, mbasa nya guhambanelane, ni gu valala va sasela vathu vago dzindrangani gwawe, ni gu mana mitungu ni madwali nya guhambanelane,

Joba 11:13

Wa gu dzi ningela gwaye khu monyo wago watshavbo, u khusedza mandza yago u lombelela gwaye;

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 55:17

Vbasilambotunu, vbadzimindrutunu ni vbamihanitunu, nyi na lila nyi dilela; Uye a napwa lito langu.

Dzindzimo 63:6

Na nyi lade dawuni gwangu, nya gu alakanya uwe, wutshigu watshavbo nya gu pila na nyi gu pimisa uwe.

Dzindzimo 86:7

Musigaradzoni, nya gu lila avbo gwago, kholu uwe u ngu nyi hakha.

Mavingu 18:14

Liphuvbo la muthu li ngu kodza gu mu tiyisedza madwalini gwaye, aholu khu mani a kodzago gu phasa muthu a khuvekidego?

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 26:9

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Jeremiya 31:15

Pfhumu Nungungulu a ngu ganela kharati, khuye: “Gu pwade huwa nya gililo ni wuvi tigoni ga Rama, khu Rakeli a nga bani a gu lila sanana saye, a gu bomba gu tangadziswa, kholu sanana saye si vbede hiso bhi.

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Johane 11:31

Vajudha va nga bani vari naye nyumbani va mu bangaladza, na va wonide Mariya na gu khuga khu guvbiredza, va di mu landra na va gu pimisa gukhavo a gu hongola thowotunu aya lila iyo.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.