Dzindzimo 76:5 - Bhibhiliya Nya Guage

⁵ Dzindrena dzawe dzi wandredwe matshari; va nya tshivba kha va dzi kodza gu gira gilo. Olu va lade ligovbe nya mahegiso, yi mwalo ndrena ni mweyo yi nga tshalago, gasi gu thumisa matshari yawe.

Dzindzimo 76:5 Iomraidhean Croise

Dzindzimo 13:3

Pfhumu Nungungulu wangu, nyi thele kota! Nyi wone u nyi hakha! Wenengedza maho yangu gasi nyi si hungwi khu ligovbe nya gufe.

Isaya 31:8

Asiriya a na sasedwa khu matshari ma si gu ya muthu, a na mbembiswa khayo, a na tutuma a thava gusasedwa khu matshari. Madzaha yaye ma na padwa ma rwegwa mithumo nya gulemele.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 46:12

Nyi yingiseni enu vathu nya gubange mihungo, mu guromo hwindzo ni gululama.

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Nahume 3:18

Uwe mufumeli wa Asiriya, vahavisi vago va lade, vathu vago nya guthavisege va lade, vathu vago va mbambamede sigomoni, gu si manegi ni muthu nya gu va wungedzele.