Dzindzimo 75:3 - Bhibhiliya Nya Guage

³ Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Dzindzimo 75:3 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

2 Samuweli 5:2

Gukhugela matshigu ya gale, na nga gu fuma Sawule, khuwe u nga bani nu thangela va na Israyeli gu ya dwana nyimbi, Pfhumu Nungungulu nuye a di gu embede, khuye: “Uwe u na havisa vathu vangu va na Israyeli, u na khala muthangeli wawe.

Isaya 24:19

Mafu yatshavbo ma na pandrega, ma kabanega khu vbakari, ma kutsungwa, ma tsekatseka khu tshivba.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

1 Samuweli 18:7

Vanyamayi vovo, va di gu hana na va gu embelela, khavo: “Sawule songide likhumi mazana (1.000), Dhavhidhe songide likhumi magumi mazana (10.000).”

1 Samuweli 2:8

A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.