Dzindzimo 75:2 - Bhibhiliya Nya Guage

² Nungungulu a di khuye: Khu gikhati nyi gi vegidego nyi na lamula vathu khu gululama.

Dzindzimo 75:2 Iomraidhean Croise

2 Samuweli 2:4

Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

2 Samuweli 8:15

Dhavhidhe a di fumela litigo latshavbo la Israyeli, a lamula ni gu lulamisa mahungu ya vathu vatshavbo.

Dzindzimo 101:2

Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

Dzindzimo 102:13

U na khuga u ema u girela wuhindzi Siyoni, gikhati nya gu u mupwela gisiro, khigyo egi gikhati gi emisedwego.

Muhevbudzi 3:17

Khu guralo, nyi di pimisa nyabune, kheni: “Nungungulu a na lamula muthu nya gululame gumogo ni gighohi, kholu vegide gikhati gimwegyo nya gilo ni gilo, ni gikhati nya thumo watshavbo.”

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Johane 7:6

Khavbo avbo, Jesu a di khuye: “Gikhati gyangu gi si gu vbohi, aholu ga enu gikhati gyatshavbo khyadi.

Mithumo 1:7

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”