Dzindzimo 75:1 - Bhibhiliya Nya Guage

¹ Hi ngu gu bonga uwe Nungungulu; ethu hi ngu gu bonga, hi ngu rana lina lago, hi huwelela siliwugiso sago.

Dzindzimo 75:1 Iomraidhean Croise

Dzindzimo 138:2

Nyi na khidzima nyumbani gwago nya guage nyi rungudza lina lago khu wuwadi ni lisine lago; kholu u dandriside situmbiso sago vbatshani nya sigiro satshavbo.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 44:1

Nungungulu, hi pwide, ethu habune na va gu ganela, vababe vathu va hi embeledzede, siliwugiso u giridego matshiguni yawe ya gale.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 58:1

Enu vafumeli, ina khu lisine mu ngu lamula khu gululama, gani? Mu ngu lamula milandru ya vatshavbo khu fanelo yi vbwetegago, gani?

Dzindzimo 76:1

Nungungulu a ngu tidwa gwadi tigoni ga Judha; lina laye li zundzegide tigoni ga Israyeli.

Ekisodha 23:21

Thela kota khu ngilozi yangu, u yingisa lito laye. U nga yi tshanisi kholu iyo kha yi na timisela guvivba gwanu, kholu yi na thuma khu lina langu.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Dhewuteronome 4:7

Kholu, khu levbini limbe litigo li gu na ni vanungungulu va guromo vbafuvbi gwawe nya gufanane ni Pfhumu Nungungulu wathu, ga dzinyondro dzatshavbo hi mu lombelelago?