Dzindzimo 74:9 - Bhibhiliya Nya Guage

⁹ Olu kha hi woni gambe siliwugiso; gu mwalo gambe vaprofeti, kha hi dziti gukhethu kala lini.

Dzindzimo 74:9 Iomraidhean Croise

Ekisodha 12:13

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Ezekiyeli 20:12

Nyi va ningide gambe dzisabhadho dzangu, dzi khale kha nga giyeyedzo vbakari gwawe, gasi va kodze guti gu gukhavo eni kheni Pfhumu Nungungulu, nyi va agisago.

Ezekiyeli 7:26

Yi nata tshanisa vbatshani nya tshanisa, guta hwanga vbatshani nya hwanga, va vbweta giwoniso khu ga muprofeti ni gihevbudzo nya Nayo khu ga muphasi nya mhamba, va na gi hamuga, ni madhota ma na hamuga wusingalagadzi.

Amosi 8:11

Wonani ma nguta matshigu, a ngu ganela Pfhumu Nungungulu, nyi na rumelago ndzala tigoni, nasiri ndzala nya guhodze, mwendro lidora nya guvbwete mati, aholu a na bani nari ndzala ni lidora nya gupwe mahungu ya Pfhumu Nungungulu.

Mikeya 3:6

Khu guralo, ligovbeni gwanu avbo mu na lalago, kha mu na wona siwoniso; gu na manega gidema, gasi mu si tuguli misihalo, vaprofeti vava, va na pfoledwa khu lidambo, litshigu lawe li khala gidema.

Mikeya 3:7

Va tuguli nya misihalo va na khala dzitshoni, va nya dzisolo va na kanganyisega, vatshavbo va na sega magana yawe, kholu kha gu na manega phindrulo nya gute khiyo ga Nungungulu.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.

Valamuli 6:17

Gidhiyoni a di engedza gambe a ganela, khuye: “Nya gu bani nyi manide makategwa mahoni gwago, nyi ninge giyeyedzo nya gu khigyo, khuwe kamwe u ganelago ni eni.

1 Samuweli 3:1

Lidzaha Samuweli a di gu thumela Pfhumu Nungungulu na gu thangedwa khu Eli. Gikhatini gyogyo, Pfhumu Nungungulu a di gu kala gu ganela, ni siwoniso niso si di si tali gu wonega.