Dzindzimo 74:23 - Bhibhiliya Nya Guage

²³ U nga divali dzihuwa dza valala vago, ni ligwaha va li girago matshigu yatshavbo avo va gu wugelago.

Dzindzimo 74:23 Iomraidhean Croise

Dzindzimo 13:1

Pfhumu Nungungulu, kala lini nu nyi divala sago? U na nyi divala muphelo, u nyi sihela khovbe yago, gani?

Dzindzimo 65:7

Uwe u ngu degudza ligwaha nya linene, ni mavimbi yaye, u vbedza ligwaha la vathu va tigoni.

Dzindzimo 74:4

Valala va di ghiya, va embelela, va tsaka nyumbani gwago nya miphaso. Va di ghwimba umo dzingavbya dzawe, va yeyedza gupala.

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Gililo 2:16

Valala vago vatshavbo va gu tulede magana va gu tseketsela ni gu gu lodzela magwaha. Va ganela, khavo: “Hi mu khawudziside; gale na hi lirede litshigu leli, olu li vbohide, hongoleni hi mu wona!” Ain

Jona 1:2

“Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”