Dzindzimo 74:2 - Bhibhiliya Nya Guage

² Dundruga vathu vago, avo u va hathidego khu gale, u va tshudzisidego gasi va khala lihundzu nya thomba yago; alakanya gigomo gya Siyoni, u khalago avbo.

Dzindzimo 74:2 Iomraidhean Croise

Dzindzimo 106:40

Likhulo la Pfhumu Nungungulu li di khondra ga vathu vaye, a va tsukula, vathu va gu thomba yaye.

Dzindzimo 135:4

Uye hathide Jakobe gu khala waye, ni va na Israyeli gu khala thomba yaye.

Dzindzimo 33:12

Li kategide litigo lile Nungungulu a gu uye Pfhumu Nungungulu, ni vathu a va hathidego gu khala thomba yaye.

Dzindzimo 68:16

Enu sigomo nya gulaphe ngudzu, khu ginani mu girela lidiwo gigomo Nungungulu a gi hathidego gasi gu vbanyela umo? Pfhumu Nungungulu a na vbanya umo kala gupindruga.

Dzindzimo 77:15

Khu tshivba nya libogo lago u vbanyiside vathu vago, situgulwana sa Jakobe ni Josefe.

Dzindzimo 9:11

Embelelani ga Pfhumu Nungungulu, a vbanyago Siyoni, tivisani sigiro saye vbakari nya mayigo.

Dzindzimo 9:12

Nungungulu a ngu alakanya avo va sanisekago, gima kha divaledwi khu gulila gwawe, a ngu tsayisa vasongi.

Dzindzimo 94:14

Kholu Pfhumu Nungungulu kha na diga vathu vaye, ambari gu diga thomba yaye.

Ekisodha 15:13

Khu wuwadi wago u thangede vathu vago U va dzegisidego, U di va hetedza khu tshivba yago U va yisa wulangani gwago nya guage.

Ekisodha 15:16

Va di modwa khu hwanga ni gundrendremela khu kotani nya tshivba nya libogo lago. Va emide va banga kha nga siwindri, kala va vbindra vathu vago, Uwe Pfhumu Nungungulu! Kala va vbindre vathu u va dzegisidego.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Isaya 62:6

Mabhiyoni gwago, uwe Jerusalema, nyi vegide vawoneleli, wutshigu ni mihani gima kha va na degula gambe; enu, mu alakanywago khu Pfhumu Nungungulu, mu nga garali,

Isaya 63:17

Khu ginani uwe Pfhumu Nungungulu, u hi digago hi ndreya ndzilani gwago? Khu ginani u hi digago hi bangisa myonyo yathu hi si gu ningi githawo? Wuya, khu kotani nya lihaladzo nya sithumi sago, ni ga mahundzu a gu thomba yago.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 51:19

Aholu Nungungulu wa Jakobe, kha fanani ni vanungungulu vovo, kholu uye khuye Muvangi nya silo satshavbo, Israyeli lihundzu nya thomba yaye, lina laye khuye Pfhumu Nungungulu nya Tshivba Yatshavbo.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

Dhewuteronome 9:29

“Khu guralo, khavo vathu vago ni thomba yago, u va dusidego wugumbini khu tshivba yago nya yikhongolo ni libogo lago nya wundrena.”

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.