Dzindzimo 74:18 - Bhibhiliya Nya Guage

¹⁸ Pfhumu Nungungulu, dziti gukhuwe valala vago va ngu gu vala, vathu nya sipumbu va ngu ganela guvivba khu lina lago.

Dzindzimo 74:18 Iomraidhean Croise

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

2 Dzikoronika 32:19

Va di ganela khu Nungungulu wa Jerusalema, va mu fananisa ni vanungungulu va vathu va mafuni, nya gugirwe khu mandza nya vathu.

Dzindzimo 137:7

Pfhumu Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

Dzindzimo 39:8

Nyi vbulugise guvivbani gwangu gwatshavbo; u nga nyi digi nyi vadwa khu muthu nya giphuguphugu.

Dzindzimo 41:1

Kategide oyu a alakanyago gisiwana; litshigu nya sigaradzo a na vbanyiswa khu Pfhumu Nungungulu.

Dzindzimo 74:22

Wuga, uwe Nungungulu, u dwanela fanelo yago, dundruga idzo gipumbu gi gu valago khidzo gikhati gyatshavbo!

Gililo 5:1

Pfhumu Nungungulu, alakanya iso si hi dugeledego. Khedza u wona dzitshoni hi gu nadzo.

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.