Dzindzimo 74:13 - Bhibhiliya Nya Guage

¹³ Uwe u kabaniside yiphwa khu tshivba yago, u pfarela mihungo nya sirengo nya sikhongolo sa linene.

Dzindzimo 74:13 Iomraidhean Croise

Nehemiya 9:11

U kabaniside yiphwa khu vbakari mbeli gwawe, va vbindra khu vbakari na gu bangide; aholu u di mbembisa valala vawe kha nga giwindri gi rikisidwego nondrwani.

Dzindzimo 66:6

Vbindrugedzide yiphwa yi khala litigo nya gubange, va di tshatuga tsongo khu mawundru. Hi na nengele avbo gwaye.

Dzindzimo 78:13

A di kabanisa yiphwa, a va vbindrisa khu vbakari, a gira mati ma khuga, ma khala libhiyo.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Ekisodha 14:28

Kholu gikhati ma widego mati, ma dita khubhunyeta dzikareta, ni vakhileli nya dzikavalu, ma gu langaladza mabutho yatshavbo nya nyimbi ya Faro ma nga belago phwani ma landra sanana sa na Israyeli. Mwalo ni moyo basi a nga tshalago.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 32:2

“Mwamana wa muthu, emba ndzimo nya gililo nya gulile Faro, mufumeli wa Egipito, u mu embela esi, khuwe: U di gu fanana ni ginghalana vbakari nya mayigo, narigu uwe wa gu fanana ni ngona ya mitsongoni, u hambelago mitsongoni gwago, u ghunvungago mati khu migondro yago; u nyenyezisa mitsongo.