Dzindzimo 73:9 - Bhibhiliya Nya Guage

⁹ Va gu khusedza magana va vala Nungungulu wa ndzadzini, lidimi lawe la gu nava li vala va mafuni gwatshavbo.

Dzindzimo 73:9 Iomraidhean Croise

2 Dzikoronika 32:15

Khu guralo, mu nga kanganyiswi khu Ezekhiya, ambari gu mi kutsedzelani, ni gu mu khodwa gwaye; kholu mwalo nungungulu wa limbe litigo, ambari ni wevbini mufumo a kodzago gu vbulugisa vathu vaye mandzani gwangu, ambari ni mandzani ga vababe vangu; ina Nungungulu wanu, khuye a na dzi kodzago gu mi vbulugisa, gani?

Joba 21:14

Khu guralo, va gu embela Pfhumu Nungungulu, khavo: Khuga avbo gwathu; kholu ethu kha hi vbweti guti gilo khu dzindzila dzago.

Dzindzimo 52:4

Wa gu tsakiswa basi khu magana nya gumbembise, uwe u gu ni lidimi nya wudambane.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Luka 18:4

Ma di vbindra matshigu nya gulaphe na gu bomba gu mu lamula; aholu litshigu limwedo a di pimisa, kharati: ‘Ambari nyi si thavigo Nungungulu, ni olu nyi si ningigo githawo vathu vakhwathu,

Jakobe 3:6

Lidimi li khade nga nilo. Litigo nya guvivbe li gu na ni wulanga givilini gwathu, li ngu nyenyezisa wurumba wathu watshavbo. Na li khondrisidwe khu nilo wa Sathane, li ngu dzi kodza guvbisa guvbanya gwathu gwatshavbo.

Gutuledwa 13:6

Girengo gi di tula likana gi gu vala Nungungulu ni lina laye, ni wulangani gwaye nya guage ni vatshavbo va vbanyago ndzadzini.