Dzindzimo 73:3 - Bhibhiliya Nya Guage

³ Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Dzindzimo 73:3 Iomraidhean Croise

Joba 12:6

Mitshatsha nya dzimbafa ya gu khadzisega, ni vale va valago Nungungulu, va gu khala na va tiyide; Nungungulu a gu va ninga satshavbo mandzani gwawe.

Joba 17:8

Avo va lulamidego va gu liwuga khiso, gasi avo va gu mwalo nandru, va na wugela sighohi.

Joba 21:7

Khu ginani va nya guvivbedwa khu monyo va vbanya ngudzu, kala va gumba ni gu engedzelana gughanya?

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 10:5

Gikhati gyatshavbo sigiro saye sa gu duga gwadi, kha theli kota khu gulamula gwago; a gu kanyisa valala vaye vatshavbo.

Dzindzimo 37:1

U nga garadzegi khu kotani nya vathu nya guvivbedwe khu myonyo, gambe u nga gireli lidiwo vale va girago guvivba.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Mavingu 23:17

Monyo wago wu nga dogoreli sighohi, aholu uwe thava Nungungulu gikhati gyatshavbo.

Mavingu 24:1

U nga dogoreli vathu nya guvivbedwe khu monyo, ambari gu dogorela gu khala navo.

Mavingu 3:31

U nga tsakeli muthu nya gigaha, ambari gu dogorela mavbanyelo yaye.

Muhevbudzi 7:15

Ga matshigu nyamba nyawula nya guvbanye gwangu, nyi di wona esi: Muthu nya gululame a di vbiredzela gufa ni gululama gwaye, aholu muthu nya guvivbedwe khu monyo, a di vbanya matshigu nya gutale ni monyo waye nya guvivbe.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Malakiya 3:15

Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.”

Jakobe 4:5

Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”