Dzindzimo 73:14 - Bhibhiliya Nya Guage

¹⁴ Kholu nya gu simama gutshaniseka gikhati gyatshavbo gugya ni gugya nya gu tsayiswa.

Dzindzimo 73:14 Iomraidhean Croise

Joba 10:17

Wa gu rana dzifakazi dzi ta nyi rwega nandru, u engedzela gu nyi wugela, dzimhango dzi nyi thegela khu gipitipiti.

Joba 10:3

Ina si ngu gu tsakisa gu khala khu gu nyi tsayisa, u si khathali khu thumo u giridego khu mandza yago u diga va nya guvivbedwa khu monyo va gira makungo va ma golago, gani?

Joba 7:18

u mu wuselago gugya ni gugya, bwelo khavbo u mu linga ni gevbini gikhati?

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Dzindzimo 94:12

Pfhumu Nungungulu, kategide muthu u mu layago, oyu u mu hevbudzago nayo wago.

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Vahebheru 12:5

Ina olu mu divaledwe khu magana nya gu mi tiyisele mu embedwego khu Nungungulu gukhwatshi mu sanana saye, gani? Kholu, a mi embede, khuye: “Mwanangu, u nga kanyisi gulaya ga Pfhumu; u nga vbeli tshivba wa gu kawukwa khuye,

1 Pedro 1:6

Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.