Dzindzimo 72:7 - Bhibhiliya Nya Guage

⁷ Gu na manege gululama matshiguni nya gufume gwaye, gurula gu na manege kala ngima wu si wonegi.

Dzindzimo 72:7 Iomraidhean Croise

1 Dzipfhumu 4:25

Judha ni Israyeli, gu di vbanya na gu tiyide, gukhugela Dhani kala Bherisebha, vathu va di vbanya gurulani, nyamba thava gilo, muthu ni muthu a khala mutsani nya kandzu waye ni nguhu waye, matshigu yatshavbo nya guvbanye gwa Solomoni.

1 Dzipfhumu 5:4

Gasi olu, Pfhumu Nungungulu wangu, a nyi ningide gurula khu maphuvbo yatshavbo; nyi ngari mwalo nala mwendro mhango nya gukari.

Dzindzimo 92:12

Va nya gululama va na buga kha nga ngindru, va dandra nga misimbo nya sedhari ya Libhanoni.

Isaya 2:4

Uye a na khala mulamuli vbakari nya mayigo, ni gu tsayisa mafumbo nya mangi. Matshari yawe ma na vbindrugedza ma khala mavbadza, ni siholoma sawe si khala sivbwero; li mwalo litigo li na gu wugelago litigo li kwawe, ambari vathu kha va na hevbula gu dwana nyimbi.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 60:22

Lipango nya lidugwana, li na andra kala likhumi mazana (1.000), ni eli nya ligwana ngudzu, li na khala litigo nya tshivba. Eni kheni Pfhumu Nungungulu; khu gikhati givbwetegago nyi na gira satshavbo sesi si tadzisega khu guvbiredza.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.