Dzindzimo 72:4 - Bhibhiliya Nya Guage

⁴ Mufumeli a na lamule sisiwana khu gululama, a phasa sisiwana a gandredzela vatshanisi.

Dzindzimo 72:4 Iomraidhean Croise

Joba 19:2

“Kala lini na mu gu garadza hefemulo wangu, ni gu nyi paya khu magana yanu?

Joba 34:24

A gu fuvisa va nya dzitshivba nyamba wudzisa muthu, vbawulangatunu gwawe, a vega vambe.

Dzindzimo 109:31

kholu uye a ngu emela gisiwana, a gi vbulugisa ga avo va vbwetago gu gi songa.

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Dzindzimo 94:5

Avo va gu sasela vathu vago Pfhumu Nungungulu, va gu sanisa thomba yago!

Mavingu 20:26

Mufumeli a gengedego a gu fuvisa va nya guvivbedwa khu monyo, bwelo khavbo a va tshindra khu giwindri nya guvbule.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 42:3

Kha na funya tshava yi pandregidego, ambari gu tshima litirisida li nga gu tuvigago wutshi; a na tiyisa khu lisine gululama.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Zakariya 11:11

Na gi tshudwe gidzumeledzwano litshigu lolo, sisiwana nya tshambi si nga bani si nyi yingisa, si di dziti gukhiso giyeyedzo gile mahungu ya Pfhumu Nungungulu.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 18:24

Ndrani gwaye wu manidwe novba wa vaprofeti ni va nya gukatega, novba wa vatshavbo vathu va nga songwago mafuni.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”