Dzindzimo 72:16 - Bhibhiliya Nya Guage

¹⁶ Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Dzindzimo 72:16 Iomraidhean Croise

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

Joba 5:25

Gambe u na wona livelego lago li andra, vatugulu vago va fanana ni mwasi wa mafuni.

Joba 8:7

Iso u nga bani uri naso khu gale, si na vbindrwa khiso si nga gutago khu matshigu ya mbeli.

Dzindzimo 104:16

Misimbo ya Pfhumu Nungungulu yi khuride, misimbo nya sedhari ya Libhanoni a nga yalago Pfhumu Nungungulu,

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Isaya 29:17

Ina khu gikhati gidugwana Libhanoni, kha na vbindrugedza a khala lithembwe nya gunone, gani? Ni lithembwe li nonidego kha li na vbindrugedza li khala likhabi, gani?

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 32:20

Mu kategide enu mu yalago mbewu bambe nya tsongo mu digago dzimombe ni dziburu si gimbila na si tshulegide.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 4:4

Ambari ulo, vangi nya vale va nga pwago magana yaye, va di khodwa, va engedzela tengo nya vakhodwa, wu nga vboha gipimo nya livbandre magumi mazana (5000) vama.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.