Dzindzimo 72:11 - Bhibhiliya Nya Guage

¹¹ Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 72:11 Iomraidhean Croise

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Mikeya 7:17

Va na dandzela kudzudzwane kha nga dzinyoga, ni simbe sirengo si khwirirago khu lididi mafuni, va na duga khu mugusihalani gwawe na va gu ndrendremela khu hwanga, va nata gwago Pfhumu Nungungulu wathu, na va gu gu thava.

Mitengo 24:7

Khu sifefeni gwawe gu na khulunga mati, ni wulime wawe wu na naganiswa khu mati nya gutale. Mufumeli wawe a na khusega guvbindra Agagi, ni mufumo waye wu na bani wuri ni tshivba.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 21:24

Mayigo ma na gimbila vbakari nya safa nya wenengedzo waye. Ni vafumeli nya mayigo va nata, va resa dzithomba dzawe dhoropani.

Gutuledwa 21:26

Va na resa gwaye wudhumo ni thomba nya mayigo.