Dzindzimo 71:6 - Bhibhiliya Nya Guage

⁶ Khuwe u nyi dusidego khu ndrani ga mayi wangu, khuwe u nyi phasedzelago gukhugela guvelegwani gwangu, eni nyi na gu dhumisa gikhati gyatshavbo.

Dzindzimo 71:6 Iomraidhean Croise

Dzindzimo 22:11

U nga khali hwindzo, kholu mhango yomo vbafuvbi, nyi mwalo muthu nya gu nyi phase.

Dzindzimo 34:1

Nyi na rungudza Pfhumu Nungungulu gikhati gyatshavbo, Likana langu li na embelela wudhumo waye kala gupindruga.

Dzindzimo 40:4

Kategide muthu wule a tumbago Pfhumu Nungungulu, kha thendregedzi a khedzisa va nya matshandza, gambe kha vbweti avo va landrago malipha.

Dzindzimo 71:14

Aholu, eni nyi na vega gwago gutumba gwangu, nyi na simama gu gu dhumisa gikhati gyatshavbo.

Mavingu 8:17

Nyi ngu gola vale va nyi golago, avo va nyi vbwetago, va na nyi mana.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 49:5

Gasi olu, a ngu ganela Pfhumu Nungungulu, a nyi wumbidego nyi ngari ndrani ga mayi, gu khala githumi gyaye, gasi nyi mu bweledzela Jakobe, ni gu tshanganisa Israyeli a wuya gwaye, gasi eni nyi dhumiswe mbeli ga Pfhumu Nungungulu, Uye a gu tshivba yangu.

Jeremiya 1:5

“Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Jeremiya 3:4

Olu, wa gu lila avbo gwangu, khuwe: Baba wangu, uwe u diri pari ya wudzahani wangu, gani?

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

Vaefeso 5:20

Bongani Nungungulu Babe, gikhati gyatshavbo ni siloni satshavbo, khu lina la Pfhumu yathu Jesu Kristo.