Dzindzimo 71:21 - Bhibhiliya Nya Guage

²¹ U na engedzela wugulu wangu, u bwelo khavbo u nyi tangadzisa nyaluphye.

Dzindzimo 71:21 Iomraidhean Croise

2 Samuweli 3:1

Gu manegide nyimbi yi vbedzidego myaga nya yingi vbakari ga ndranga ya Dhavhidhe, ni ndranga ya Sawule, Dhavhidhe a di simama gu andra khu tshivba, aholu linyumba la Sawule li di bwelelela hwane.

Dzindzimo 18:35

Uwe u ngu nyi ninga gitshangu gyago nya guvbanyise, libogo lago la nyamudye li ngu nyi tiyisa, khu garali khu gu nyi sayisa khu wuwadi wago.

Dzindzimo 23:4

Ambari nyi gimbila kovani nya gidema nya lufu, kha nyi na thava gilo, kholu u womo vbafuvbi gwangu; ndronga ni tshetengelo wago yi ngu nyi tiyisa.

Dzindzimo 32:10

Va nya guvivbedwe khu myonyo va ngu wona sisaniso nya singi, aholu lihaladzo la gu furumedza avo va tumbago Pfhumu Nungungulu.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 86:17

Nyi ninge giyeyedzo nya wuwadi wago, gasi va gi wone avo va nyi vengago va khale dzitshoni, kholu uwe Pfhumu Nungungulu u ngu nyi phasa ni gu nyi tangadzisa.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

2 Vakorinto 2:14

A na rungudzwe Nungungulu, a endredzago mithumo yathu yi gimbila gwadi khu ga Kristo. Khu thumo wathu Nungungulu a ngu phalalegisa malangani yatshavbo mahungu nya gutivise Jesu kha nga mahema nya gunungele gwadi.

2 Vakorinto 7:13

Aholu, vbavbandze nya ogu gutangadziswa hi gu manidego, hi ngu tsakiswa gambe ngudzu khu gu wona gutsaka ga Tito. Kholu uye nengede ngudzu khu edzi mu nga mu hakhago khidzo.

2 Vakorinto 7:6

Nungungulu a thavelelago ava va sanisekago, a hi thavelede khu gu vboha ga Tito.

1 Vatesalonika 3:9

Hi ngu yela gubonga Nungungulu, khu gutsaka gogo mu hi girelago mbeli gwaye.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”