Dzindzimo 71:19 - Bhibhiliya Nya Guage

¹⁹ Gululama gwago, Nungungulu, gu ngu khusega kala ndzadzini. Uwe Nungungulu U giride silo nya sikhongolo ngudzu, khu mani nya gufanane ni uwe?

Dzindzimo 71:19 Iomraidhean Croise

Joba 5:9

Uye giride silo nya sikhongolo si samadzisago, ni siliwugiso nyambana tengo.

Dzindzimo 139:6

Ndzila u nyitigo khiyo yi ngu nyi samadzisa ngudzu, yi khusegide, kha nyi kodzi gu yi pima.

Dzindzimo 35:10

Khu monyo wangu watshavbo, nyi na ganela, kheni: “Pfhumu Nungungulu, khu mani a fananago ni Uwe?” Kholu uwe u ngu tshudzisa gisiwana mandzani ga wule a gu ni tshivba gu mu vbindra, u vbanyisa khulungu ga vale va yi kalavelago.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 57:10

Kholu lihaladzo lago likhongolo li vbohago kala ndzadzini, gutumbega gwago gu khongolo gu vbohago kala mapfhini.

Dzindzimo 72:18

A na bongwe Pfhumu Nungungulu, Nungungulu wa Israyeli, kholu khuye basi a girago sisamadziso.

Dzindzimo 86:8

Vbakari nya vanungungulu vatshavbo mwalo a fananago ni uwe, Pfhumu; mwalo a kodzago gu gira mithumo uwe u yi girago.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Mavingu 15:24

Ndzila nya womi ya gu hetedza muthu nya gugengele, gasi a si releli phalani nya vafi.

Mavingu 24:7

Gipumbu kha gi maneli avbo gu guromo guti litshigu nya gulamudwe gi na tandrega ni gutula likana.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 40:25

“Nyi na dzi fananisa ni mani gasi nyi godzana naye?” A ngu wudzisa uye a Agidego.

Isaya 5:16

Aholu Pfhumu Nungungulu nya Tshivba Yatshavbo a na khusedzwa, kholu a ngu lamula khu nayo. Khuye Nungungulu a Agidego, Uye a yeyedzago guaga gwaye khu gu gira ugo gu lulamidego.

Isaya 55:9

Kholu, kha nga ndzadzini gu khugegidego ngudzu guvbindra litigo, kharato nidzo dzindzila dzangu dzi khusegide guvbindra dzanu, ni mipimiso yangu, yomo vbatshani ngudzu guvbindra yanu.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Luka 1:49

khaguva Nyadzitshivbe a nyi girede silo sikhongolo. Li kategide lina laye.

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?