Dzindzimo 70:4 - Bhibhiliya Nya Guage

⁴ Avo va golago guvbanyiswa gwago ni gu gu vbweta; va na tale khu gunengela gikhati gyatshavbo va na ganele, khavo: “A na khusedzwe Nungungulu!”

Dzindzimo 70:4 Iomraidhean Croise

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 40:16

Va na nengele va tsaka khu uwe vatshavbo avo va gu vbwetago; avo va golago guvbanyisa gwago va na nengele gikhati gyatshavbo, khavo: “A na khusedzwe Pfhumu Nungungulu.”

Dzindzimo 5:11

Va na nengele vatshavbo va thavelago avbo gwago, va na kulungele kala gupindruga; uwe u ngu va vhikela, avo va nengela khu uwe, avo va golago lina lago.

Dzindzimo 97:12

Nengelani ga Pfhumu Nungungulu enu va nya gululama, mu dhumisa lina laye nya gukatege!

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Gililo 3:25

Pfhumu Nungungulu khwadi ga vale va mu tumbago ni mihefemulo yi mu vbwetago.

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.