Dzindzimo 7:8 - Bhibhiliya Nya Guage

⁸ Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 7:8 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Genesi 31:53

Nungungulu wa Abrahama, Nungungulu wa Nahori, Nungungulu wa babe wawe a na khale mulamuli vbakari gwathu.” Jakobe a di sambanya khu Nungungulu a rungudzwago khu babe waye Isaki.

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Dzindzimo 26:1

Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 26:11

Gasi eni, nyi lulamide guvbanyani gwangu, nyi tshule, nyi pwele wuhindzi.

Dzindzimo 41:12

Gasi khu eni, u na nyi vbanyisa wurumba wangu, u nyi sayisa mbeli gwago kala gupindruga.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 78:72

Dhavhidhe a di va sayisa gwadi khu ndruda, a va fumela khu guti nya gukhongolo.

Dzindzimo 82:1

Nungungulu khade wulanga waye wa vbatshani; a lamula vbakari nya huwo nya vanungungulu.

Dzindzimo 9:8

Uye kamwe a ngu lamula litigo khu gululama, a lamula mayigo khu nayo.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Mavingu 19:1

Muthu nya gisiwana a gimbilago khu ndzila nya gululame, a ngu vbindra muthu nya gipumbu a dusago magana nya wukanganyisi khu kanani gwaye.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

1 Vatesalonika 2:10

Enu mu dzifakazi, Nungungulu nuye, nya edzi hi khadego khidzo vbakari gwanu, enu vakhodwa. Hi khade khu gululama, ni wuwadi nyamba solega.