Dzindzimo 7:6 - Bhibhiliya Nya Guage

⁶ Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Dzindzimo 7:6 Iomraidhean Croise

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

Dzindzimo 103:6

Pfhumu Nungungulu a ngu lamula khu nayo, a gu emela dzifanelo dza avo va saniswago.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Dzindzimo 143:3

Kholu nala a gu nyi sanisa a nyi gandredzela vbavbatshi; a nyi gurumedza gu vbanya wulangani nya gidema, kha nga avo va fudego khu gale.

Dzindzimo 3:7

Wuga, Pfhumu Nungungulu! Nyi vbanyise Nungungulu wangu, kholu uwe u ngu veta siwombo sa valala vangu, u kunulela magwaha ya sighohi.

Dzindzimo 35:1

Pfhumu Nungungulu, thethisa avo va nyi singedzago, u dwana ni avo va nyi dwanisago.

Dzindzimo 35:23

Wuga u nyi emela, uwe Nungungulu Pfhumu yangu, u nyi vhikela ga nandru wangu.

Dzindzimo 44:23

Wuga! Khu ginani u lalago, Pfhumu? Wuga! U nga hi nyenyi kala mahegiso!

Dzindzimo 44:26

Khuga u ema; gasi u hi phase! Hi dzegise khu lihaladzo nya wuwadi wago.

Dzindzimo 59:5

Uwe Pfhumu Nungungulu nya Tshivba Yatshavbo, Uwe Nungungulu wa Israyeli; wuga u ta tsayisa va nya mayigo vava; u nga pweli wusiwana vakanganyisi vava.

Dzindzimo 73:20

Kha nga ndroro a lorago muthu a gu wuga a yi divalago, uwe nuwe Pfhumu wa gu wuga va divale ni giyemo gyawe.

Dzindzimo 74:3

Delu u ta wona marumbi yaya nyamba hegisa, valala va khungumulede satshavbo si nga bani siri nyumbani gwago nya miphaso.

Dzindzimo 78:65

Khavbo, Pfhumu, a nga gira gukhwatshi gu khendzuga khu ligovbeni, kha nga mwama nya ndrena a wusedwago wunyanyu waye khu wadwa.

Isaya 3:13

Pfhumu Nungungulu a na khuga a ema; a duga, a lamula mayigo.

Isaya 33:10

Pfhumu Nungungulu a ngu ganela kharati, khuye: “Olu, Eni kamwe nyi na khuga nyi ema; olu, va na nyi khusedza.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?