Dzindzimo 7:12 - Bhibhiliya Nya Guage

¹² Muthu nya guvivbedwe khu monyo a gumba vbindrugedza mavbanyelo, Nungungulu a na lodza litshari laye, a ghwimba wulaho a seketela gasi gu rinya sighalala.

Dzindzimo 7:12 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Dzindzimo 129:4

Aholu, Pfhumu Nungungulu a lulamide; kavilede dzitshinga va nga nyi hungago va nya guvivba.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Dzindzimo 9:5

U kawukide mayigo, u fuvisa vathu nya guvivbedwe khu monyo, u futide malina yawe kala gupindruga.

Isaya 27:1

Khu litshigu lolo, Pfhumu Nungungulu a na tsayisa khu litshari laye nya likhongolo, nya tshivba, levhiyatani, nyoga nya tshivba ni mazambo, nya gu dzi tshomborosele, ni gu songa mwamilambo, nyoga yi guromo linene.

Isaya 34:5

Kholu litshari la Pfhumu Nungungulu li ngu wonega ndzadzini na li tade khu novba; wonani, li na thegela vbatshani ga Edhomi gasi guta mu lamula, vathu nyi va konidego, gasi gu va mbembisa.

Ezekiyeli 18:30

Khu guralo, enu va na Israyeli, eni nyi na mi lamula, moyo ni moyo gukhedza khu dzindzila dzaye. A ngu ganela Mune, Pfhumu Nungungulu. Dzi layeni mu hambana ni guvivba gwanu gwatshavbo, gasi gighoho gi si khali givangelo nya gu mu tshunganise.

Ezekiyeli 21:23

Isoso si na gira mahoni gwawe kha nga nyatumbatumbane nyamba phasa gilo, kholu avo va sambanyisidwe khu gifungo vbakari gwawe; aholu uye a na alakanya guvivba, gasi va modwe.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Dhewuteronome 32:41

Avbo nyi na lodzago litshari langu nya gukhedzige, avbo nyi na gu lamulago khu mandza yangu, nyi dzi phodzela ga valala vangu, nyi na bweledzela vale va nyi vengago.