Dzindzimo 69:6 - Bhibhiliya Nya Guage

⁶ Avo va tumbago uwe va nga khali dzitshoni khu kotani gwangu, uwe Pfhumu Nungungulu nya Tshivba Yatshavbo; ambari vale va gu vbwetago, va nga tandregi khu mahungu yangu, uwe Nungungulu wa Israyeli.

Dzindzimo 69:6 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 35:26

Va na khale dzitshoni va khunguvanyega, avo va nengelago khu gu saniseka gwangu; va na tale khu dzitshoni ni wusiwana avo va dzi khusedzago tshivbani gwangu.

Dzindzimo 7:7

Tombanisa mayigo ma ta gu randrela; u tshiga khu vbatshani u ta khala mbeli gwawe.

Dzindzimo 72:18

A na bongwe Pfhumu Nungungulu, Nungungulu wa Israyeli, kholu khuye basi a girago sisamadziso.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Mithumo 13:17

Nungungulu wa Israyeli, hathide vababe vathu, a gu dandrisa vathu vaye gikhati va nga ya khala Egipito. Khu hwane nya gikhati a di va dusa khu Egipito, khu tshivba nya libogo Laye.

Mithumo 13:23

Ndrani nya livelego la Dhavhidhe, kha nga gutumbisa ga Nungungulu, velegidwe Muvbanyisi wa na Israyeli, a gu uye Jesu.

Mithumo 4:7

Va di ranisa vapostoli va ta va vega vbakari gwawe, va gu va wudzisa, khavo: “Khu tshivba ya mani, mwendro khu lina la mani mu giridego silo sesi?”