Dzindzimo 69:26 - Bhibhiliya Nya Guage

²⁶ Kholu va gu tshanisa muthu u mu bayisidego, va engedzela wuvi wa oyu u mu tsayisidego.

Dzindzimo 69:26 Iomraidhean Croise

2 Dzikoronika 28:9

Aholu gu diromo vbale moyo nya muprofeti wa Pfhumu Nungungulu, a nga bani a ranwa gupwani khu Obhedhi, uye a di khinga masotshwa ma nga bani ma wuya khu nyimbitunu ma hongola Samariya, a ya ma embela, khuye: “Pfhumu Nungungulu wa vababe vanu, a gorogede va na Judha, a va ningela mandzani gwanu, aholu enu mu di va songetela khu giviti nya gikhongolo ngudzu, gi nga pwala ndzadzini.

Joba 30:13

Va fuvisa ndzila yangu, va engedzela gusaniseka gwangu nyi si mani ni muthu nya gu nyi phase.

Dzindzimo 109:16

Kholu oyu muthu kha alakanya gu pwela wusiwana, aholu a di sanisa sisiwana ni va nya gu hamuga. A landrelela va nya gu vbela tshivba a va songa.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:4

Khu lisine, uye a di rwala sigaradzo sathu, ni gulemedwa khu wuvi wathu; ethu hi di mu wona kha nga muthu a tsayiswago, a bayiswago gumogo ni gu dayiswa khu Nungungulu.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

1 Vatesalonika 2:15

Avo va di songa Pfhumu Jesu, ni vaprofeti, va tutumisa ethu nethu. Avo kha va tsakisi Nungungulu, kha va vbweti nya sadi ga vathu.