Dzindzimo 69:21 - Bhibhiliya Nya Guage

²¹ Va nyi thelede guhodza nya guthedwe wuhungu nya gusonge, na nyi gupwa lidora va nyi ninga ginageri.

Dzindzimo 69:21 Iomraidhean Croise

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 8:14

Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu Pfhumu Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede Pfhumu Nungungulu.

Jeremiya 9:15

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na hodzisa vathu vangu guhodza nya guvave, nyi bwelo khavbo nyi va sedza mati nya wuhungu nya gusonge.

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Matewu 27:34

va di mu ninga wadwa nya gupatwe ni nyongwe gasi gu a sele; aholu, na wu lingide, a di wu bomba.

Matewu 27:48

Moyo wawe a di tutuma khu guvbiredza, aya nega gipuryana nya wuluva umo nya ginageri, a gi tshomega vbatshavatunu, a mu ninga a sela.

Marko 15:23

Va di mu ninga wadwa nya gupatwe ni rendre, aholu, kha nga sela.

Marko 15:36

Moyo wawe, a di tutuma, aya dzega gipuryana nya wuluva a nega omu nya ginageri, a tshomega vbatshavatunu a mu ninga a sela, na gu ganela, khuye: “Digani, hi na wona mwendro a nata Eliya a ta mu tshisa khu vbale.”

Luka 23:36

Masotshwa nayo ma di mu kasuwari, ma mu yela, gasi guya mu ninga ginageri.

Dhewuteronome 29:18

Ni wevbini a na pwago magana nya givalo gegi a nga dzi khusedzi khu monyoni gwaye, khuye: Nyi na mana gurula, ambari nya gu gimbila khu ndzila nya guwegele yi godwago khu monyo wangu; kholu, talo nya mati wu na tshima lidora.