Dzindzimo 69:16 - Bhibhiliya Nya Guage

¹⁶ Uwe Pfhumu Nungungulu, nyi hakhe, kholu lihaladzo lago khyadi ngudzu; nyi wone khu wuwadi wago nya wungi.

Dzindzimo 69:16 Iomraidhean Croise

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Dzindzimo 109:21

Aholu, uwe Pfhumu Nungungulu nyi emele u nyi vbulugisa khu kotani nya lina lago, nyi vbanyise khu wuhindzi ni lihaladzo lago.

Dzindzimo 18:5

Tshivba nya lufu yi di nyi randrela nyi modwa khu mazinga yaye.

Dzindzimo 25:16

Khedza eno gwangu, nyi pwele wuhindzi, kholu nyi musaniseki nyambana mubangaladzi.

Dzindzimo 26:11

Gasi eni, nyi lulamide guvbanyani gwangu, nyi tshule, nyi pwele wuhindzi.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 51:1

Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

Dzindzimo 63:3

Kholu lihaladzo lago li ngu tsakisa guvbindra womi; likana langu li na gu rungudza.

Dzindzimo 69:13

Gasi eni, Pfhumu Nungungulu, nya guta gwago khu nombelo; nyi hakhe uwe Nungungulu khu wuhigo wago nya wukhongolo; nyi vbulugise kha nga u nyi tumbisidego,

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Mikeya 7:19

U na simama gu hi pwela gisiro; u gandredzela guvivba gwathu, u dzudzuga sighoho sathu satshavbo guetani nya yiphwa.