Dzindzimo 68:9 - Bhibhiliya Nya Guage

⁹ Uwe Nungungulu, u wiside ndzadzi nya yingi; u wusedza litigo lago li nga bani li vbede tshivba.

Dzindzimo 68:9 Iomraidhean Croise

1 Dzipfhumu 19:11

Pfhumu Nungungulu a di mu embela, khuye: “Duga vbavbandze, u simama gu khala gigomoni momu, mbeli ga Pfhumu Nungungulu, kholu Pfhumu Nungungulu a na vbindra.” Khavbo avbo, gu di vbindra phuvbo nya yikhongolo yi nga nwegisa sigomo ni gu khungumulela siwindri khu sipandre, aholu Pfhumu Nungungulu a diri mwalo ndrani nya phuvbo. Gikhati phuvbo yi nga emago gu furugedza, gi dita girevareva nya mafu, aholu Pfhumu Nungungulu a diri mwalo umo nya girevareva nya mafu.

Ekisodha 19:18

Gigomo gyatshavbo gya Sinayi gi di fenengedzwa khu wutshi, kholu Pfhumu Nungungulu a di tshiga avbo vbakari nya nilo. Wutshi wakone wu di lita wu tuvigela vbatshani kha nga wa vbagikhotunu, ni gigomo gyatshavbo gi di ndrendremela ngudzu.

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Dhewuteronome 11:14

nyi na wisa ndzadzi tigoni gwanu khu gikhati gi vbwetegago, ndzadzi nya maronga ni ndzadzi nya girame, mu kodze guvbwera tirigu yanu, gasi mu mane vbinyu nya yiphya ni mafura.

Valamuli 5:4

Uwe Pfhumu Nungungulu, avbo u na khugago khu Seyiri, avbo u nga gimbilago gukhugela mahangeni ga Edhomi, mafu ma di tsekatseka; khu ndzadzini gu dota mati, mapfhi ma wisa ndzadzi.

Valamuli 5:5

Sigomo si di nyiviliga mbeli ga Pfhumu Nungungulu wa gigomoni gya Sinayi, mbeli ga Pfhumu Nungungulu wa Israyeli.