Dzindzimo 68:7 - Bhibhiliya Nya Guage

⁷ Uwe Nungungulu, litshigu u dugidego ni vathu vago, u tsemakanya navo giwula,

Dzindzimo 68:7 Iomraidhean Croise

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Dzindzimo 146:7

Uye a lamulelago avo va saniswago, a ningago guhodza avo va gu ni ndzala. Pfhumu Nungungulu a ngu tshula avo va khothedwego.

Ekisodha 13:21

Pfhumu Nungungulu a di va thangela a gimbila mbeli gwawe; mihaniyile a di khusa lipfhi gasi gu va nonedza ndzila, vbawutshigutunu a di khondrisa nilo gasi gu va wenengedza ndzila, va kodza gu gimbila wutshigu ni mihani.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Valamuli 4:14

Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 5:4

Uwe Pfhumu Nungungulu, avbo u na khugago khu Seyiri, avbo u nga gimbilago gukhugela mahangeni ga Edhomi, mafu ma di tsekatseka; khu ndzadzini gu dota mati, mapfhi ma wisa ndzadzi.