Dzindzimo 68:4 - Bhibhiliya Nya Guage

⁴ Embani ga Nungungulu, mu dhumisa lina laye khu dzindzimo; tulelani ndzila oyu a khiledego vbatshani nya mapfhi. Lina laye khu Pfhumu Nungungulu, nengelani mahoni gwaye.

Dzindzimo 68:4 Iomraidhean Croise

Dzindzimo 104:3

U vbahide dzinyumba dzago matini ya vbatshani, u giride kareta yago khu mapfhi, u gimbila dzimbapini nya phuvbo.

Dzindzimo 16:11

U na nyi yeyedza ndzila nya guvbanye, nyi na tala khu gutsaka mbeli gwago, nyi napwa gutshamba nyamudye gwago kala gupindruga.

Dzindzimo 18:10

A di khilela likerubhimi a puruma, a vbuvba mambapini nya phuvbo.

Dzindzimo 5:12

Khu kharato, uwe Pfhumu Nungungulu, u ngu kategisa oyu a lulamidego u ngu mu vhikela maphuvbo yatshavbo khu gitshangu nya wuhigo wago.

Dzindzimo 66:2

Embani dzindzimo nya gukhusedze lina laye, yeyedzani githawo khu gu mu dhumisa!

Dzindzimo 66:4

Vathu vatshavbo va tigoni va ngu gu khozela, va emba dzindzimo nya gurungudze lina lago.”

Dzindzimo 67:4

Vathu nya mayigo va na kulungele khu gutsaka, kholu u ngu va fuma khu gululama; khuwe u gimbidzisago vathu va tigoni.

Dzindzimo 68:33

Uye a guromo khu gale vbatshani ndzadzini; yingisani, uye a ngu pwadza lito laye, a gu lito nya tshivba.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Dzindzimo 97:11

Wenengedzo wu na wonege ga va nya gululama, ni gutsaka gu manega ga vathu nya myonyo nya gululame.

Ekisodha 3:14

Nungungulu a di embela Mosi, khuye: “ENI KHENI WULE A GU ENI.” A engedza a mu embela, khuye: “U na embela sanana sa Israyeli, khuwe: ENI KHENI- a nyi rumede gwanu.”

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Ekisodha 6:8

“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”

Mavingu 10:28

Gitumbo gya vathu va lulamidego gya gu hegisa khu litsako, aholu gya va nya guvivbedwa khu monyo, khu gumbemba.

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 40:3

Gu ngu pwala lito la oyu a guromo gigomoni, khilo: “Dongiselani giwulani ndzila ya Pfhumu Nungungulu; lulamisani ni gu guledzela sindzilana sa Nungungulu wathu.

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Dhewuteronome 33:26

Mwalo mumbe nya gu fanane ni Nungungulu wa Jesurumi, uye atago a ta mu phasa, a tsemakanyago ndrengelenge nya mapfhi!