Dzindzimo 68:3 - Bhibhiliya Nya Guage

³ Aholu va nya gululama va ngu nengela ngudzu, va ngu hana mbeli ga Nungungulu khu gutsaka.

Dzindzimo 68:3 Iomraidhean Croise

Dzindzimo 21:1

Mufumeli a ngu nengela khu tshivba yago; Pfhumu Nungungulu, a ngu tsaka khu guvbanyisa gwago! Kholu u mu ningide gupala.

Dzindzimo 32:11

Nengelani ga Pfhumu Nungungulu, kulungelani enu va nya gululama, embelelani dzindzimo nya gutsake, enu mwatshavbo nya myonyo nya yadi.

Dzindzimo 37:20

Khu guralo, va nya guvivba va na mbemba, ni valala va Pfhumu Nungungulu, va na wu na nga mwasi wa panini, va na mwalalega nga wutshi.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Dzindzimo 58:10

Muthu nya gululame a na nengela a gu wona na va gu phodzedwa va nya guvivba; a na hamba migondro novbani gwawe.

Dzindzimo 64:10

Muthu nya gululame a gu nengela ga Pfhumu Nungungulu, a vega gitumbo gwaye; va nya myonyo nya gululame, vatshavbo va na dzi zundza.

Dzindzimo 75:4

Nya gu embela vale va dzi khusedzago, kheni: Mu nga dzi khusedzi; ni va nya guvivbedwa khu monyo, kheni: Mu nga tumbi tshivba yanu.

Dzindzimo 97:12

Nengelani ga Pfhumu Nungungulu enu va nya gululama, mu dhumisa lina laye nya gukatege!

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

1 Vatesalonika 5:16

Vbanyani khu gutsaka gikhati gyatshavbo.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,