Dzindzimo 67:4 - Bhibhiliya Nya Guage

⁴ Vathu nya mayigo va na kulungele khu gutsaka, kholu u ngu va fuma khu gululama; khuwe u gimbidzisago vathu va tigoni.

Dzindzimo 67:4 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Dzindzimo 2:8

Nyi lombe nyi na gu ninga mayigo ma khala thomba yago, mafu yatshavbo ma na lumba uwe.

Dzindzimo 82:6

Eni nyi di, kheni: “Enu mu vanungungulu, enu mwatshavbo mu sanana sa Uye a Khusegidego ngudzu.

Dzindzimo 9:8

Uye kamwe a ngu lamula litigo khu gululama, a lamula mayigo khu nayo.

Dzindzimo 96:10

Ganelani vbakari nya mayigo, khenu: “Pfhumu Nungungulu a ngu fuma.” A ngu tiyisa litigo, ilo kha li khuyugi, a ngu lamula mayigo khu gululama.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Isaya 55:4

Wonani gukhenu, nyi mi emisede gu khala fakazi ga va nya mayigo, muthangeli ni mwamangulu nya mayigo.

Isaya 60:6

Dzingameriya nyambana tengo, dzi na fenengedza litigo lago, ni marole nya dzingameriya dza Medhiyani ni Efa. Va nata vatshavbo khu Sabha, na va rwade ndralama ni libani, na va gu embelela wudhumo wa Pfhumu Nungungulu.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Vagalatiya 4:27

Khu lisine gu lovidwe gupwani: “Nengela uwe nyamayi nya gyumba, u si velegigo, womba mikulungwane nya gunengele, uwe u nga mbapwa mavbiselo nya guvelege. Kholu sanana sa nyamayi nya guhudwe singi ngudzu, guvbindra sa oyu a gu ni mwama waye.”

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.