Dzindzimo 66:3 - Bhibhiliya Nya Guage

³ Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 66:3 Iomraidhean Croise

Joba 25:2

“Gufuma ni guthavisega sa gu lumba Nungungulu; a ngu ninga gurula wulangani gwaye nya gukhugege.

Dzindzimo 18:44

Va nya mayigo va nguta va ta khoza gwangu, avo va nga nyipwa, va di nyi yingela.

Dzindzimo 18:45

Sanana sa va nya mayigo sa gu vbela tshivba, si duga khu makhokholani gwawe na si gu ndrendremela.

Dzindzimo 47:2

Kholu Pfhumu Nungungulu khongolo ngudzu, khuye Mufumeli nya khongolo nya litigo latshavbo.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 68:30

Kawuka Egipito a fumago mayigo, a khalago kha nga girengo gya khabini kala vatshavbo vata khoza gwago va gu luva; khu mitshambi nya dzimombe, simombyana na si lemedwe khu parata. Phalalegisa mayigo ma golago gu wusa dzinyimbi.

Dzindzimo 76:12

Uye a ngu thesa vbavbatshi tshivba ya sanana sa vafumeli; sa gu dzi gugumugisa; a ngu thela hwanga vafumeli nya litigo.

Dzindzimo 81:15

Vale va vengago Pfhumu Nungungulu va di hadza gu khidzima migondroni gwangu, tsayiso wawe wi di hadza gu simama kala gupindruga.

Ekisodha 15:21

Miriyamu a di va thulela ndzimo, khuye: “Embani ga Pfhumu Nungungulu, kholu khu lisine khongolo; mbembiside phwani kavalu ni mukhileli wakone.”

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 25:3

Khidzo kharato, vathu nya dzitshivba va na gu dhumisa; lidhoropa nya tsindza wa va nya mayigo nya dzihanyi li na gu ninga githawo.

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Isaya 64:3

Avbo u nga bani u gira silo nya guthavise, hi nga bani ha sa si lindrela, u di tshiga, sigomo si di tsekatseka mbeli gwago.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.