Dzindzimo 60:3 - Bhibhiliya Nya Guage

³ U giride vathu vago va wona sigaradzo nya singi, u hi sedzide wadwa gasi hi leva.

Dzindzimo 60:3 Iomraidhean Croise

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Dzindzimo 75:8

Mandzani ga Pfhumu Nungungulu gyomo gikombe gi tadego khu wadwa wu pupumago likhulo laye, a na ningago va sela vatshavbo va nya guvivba va tigoni va sela kala ni giminya gyakone.

Dzindzimo 80:4

Uwe Pfhumu Nungungulu nya Tshivba Yatshavbo, kala lini u na gorogelago nombelo wa vathu vago?

Dzindzimo 80:8

U wuyiside litshina nya wuvha khu tigoni ga Egipito, u tutumisa va nya mayigo u li yala tigoni gwawe.

Dzindzimo 85:5

Ina likhulo li na simama kala gupindruga, gani? Likhulo lago li na simama ni ga situgulwana si nga gutago, gani?

Dzindzimo 89:39

U fanyide pwanano u hungidego ni githumi gyago; u nyenyeziside gihugu gyaye u gi rinya vbavbatshi.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Jeremiya 25:15

Kholu Pfhumu Nungungulu wa Israyeli, a nyi embede kharati, khuye: “Dzega mandzani gwangu gikombe gegi nya vbinyu gi tadego khu likhulo langu u ya sedza mayigo yatshavbo nyi na gu rumelago umo.

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.

Gutuledwa 18:16

“Libango! Libango lago uwe lidhoropa nya likhongolo, li nga bani li ambade myendra nya seda, nya siwunguwungu, nya gufuvile, nya gumburisedwe khu ndralama, ni siwindri nya lisima, ni dziperola. Kholu khu gikhatinyana nya gidugwana wu pfhungumugide wufumu nya wukhongolo ngudzu nya guvbindre tengo!”