Dzindzimo 60:2 - Bhibhiliya Nya Guage

² U dzudzide litigo li gu nwega; gasi olu sega malufa yaye, kholu li ngu pfhungumuga.

Dzindzimo 60:2 Iomraidhean Croise

2 Samuweli 22:8

Khavbo avbo, litigo li di thuruga li ndrendremela, matshina nya sigomo ma di kutsungwa, khu kotani nya likhulo laye.

2 Samuweli 8:1

Khu hwane nya esi, Dhavhidhe a diya sasela Vafilisitiya a va pala, a dzega tsindza nya mufumo mandzani ga Vafilisitiya.

1 Dzikoronika 18:12

Abhisayi, mwamana wa Zeruya, uye nuye a di sasela likhumi na livbandre na mararu magumi mazana (18.000) vathu va na Edhomi kovani nya Munyu.

1 Dzikoronika 18:3

Hadhadhezeri nuye mufumeli wa Zobha, a di sasedwa khu Dhavhidhe, vbafuvbi ni Hamati, avbo a nga bani a hongode aya tiyisa mufumo waye vbafuvbi ni tsongo wa Ewufrate.

1 Dzikoronika 18:5

Vaasiriya, va dita khu Dhamasiko guta phasedzela Hadhadhezeri, mufumeli wa Zobha, aholu Dhavhidhe a di songa magumavili na mavili magumi mazana (22.000) vama nya Vaasiriya.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Joba 5:18

Kholu uye a ngu thela dzimbanga, bwelo khavbo a dzi hungelela; Uye a ngu bayisa, aholu mandza yaye ma vbodzisa.

Joba 9:6

Uye a gu vbevbera mafu a ma dusa malangani gwaye, a ndrendremedzisa ni madingo yakone.

Dzindzimo 104:32

A gu khedza litigo ilo la gu ndrendremela; a gu kuha sigomo, iso sa gu tuviga wutshi.

Dzindzimo 114:7

Uwe litigo, ndrendremela mbeli ga Pfhumu, mbeli ga Nungungulu wa Jakobe,

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Dzindzimo 89:40

U thesede mabhiyo yawe yatshavbo, ni makhokhola yawe u ma giride marumbi!

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 4:24

Nyi di khedza sigomo, si di tsekatseka, ni sigomwana si di gu lengalenga.

Jeremiya 48:38

Vbatshani nya dzilangwe nya dzinyumba dza Mowabhi gumogo ni dzindzilani gwaye, gu pwala dzihuwa, kholu Mowabhi, nyi mu pandride kha nga kanvu nyamba phasa gilo! A ngu ganela Pfhumu Nungungulu.

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

Matewu 27:51

Khavbo avbo, mwendra nya makhuvi nya Nyumba ya Nungungulu wu di pferuga khu vbakari gukhugela vbatshani kala vbavbatshi; gi di manega girevareva, si gu pandrega siwindri;