Dzindzimo 60:1 - Bhibhiliya Nya Guage

¹ Uwe Nungungulu, uwe u hi digide u hi phalalegisa; kholu u di tade khu likhulo khu ethu; gasi olu hi ninge gambe tshivba!

Dzindzimo 60:1 Iomraidhean Croise

2 Samuweli 10:16

Hadhadhezeri a di rumela gu ya ranwa Vaasiriya va nga bani vari khisikheyi nya tsongo, Helani; Sobhaki, muthangeli nya nyimbi ya Hadhadhezeri, a di soma aya mbeli gwawe.

2 Samuweli 5:20

Dhavhidhe a di ya Bhahali-Perazimi; aya va sasela iyoyo a ganela, khuye: “Pfhumu Nungungulu phalalegiside valala vangu gu fanana ni mati ma gu phusuga ma goga.” Khu guralo, a di rana wulanga wule khuye Bhahali-Perazimi.

2 Samuweli 8:14

A di vega sikwata nya masotshwa nya gu ghadhi tigoni ga Edhomi, vatshavbo va na Edhomi va di khala sithumi sa Dhavhidhe, ni Pfhumu Nungungulu a di ninga tshivba Dhavhidhe nya gupale gwatshavbo umo a nga bani na gu vbindra khumo.

2 Samuweli 8:3

Dhavhidhe a di sasela gambe Hadhadhezeri, mwamana wa Reyobhi, mufumeli wa Zobha, gikhati uye a nga bani a hongola aya tiyisa mufumo waye tsongoni ga Ewufrate.

2 Dzipfhumu 14:7

Uye a di songa likhumi magumi mazana (10.000), va na Edhomi kovani nya Munyu; a phanga litigo la Sela mulitungani; a li thangisa lina la Jokiteyeli kala na muhuno.

1 Dzikoronika 18:3

Hadhadhezeri nuye mufumeli wa Zobha, a di sasedwa khu Dhavhidhe, vbafuvbi ni Hamati, avbo a nga bani a hongode aya tiyisa mufumo waye vbafuvbi ni tsongo wa Ewufrate.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 25:11

Amaziya a di tiya longo, a thangela vathu vaye, a di relela kovani nya munyu, avbo a ngaya sasela likhumi magumi mazana (10.000) va na Seyiri.

Dzindzimo 108:11

Ina uwe Nungungulu u di hi diga kamwe, gani? Khu na duga gambe ni dzinyimbi dzathu, gani?

Dzindzimo 44:9

Gasi olu, uwe u hi tsukude u hi thela dzitshoni, khu dugi gambe u thangela dzinyimbi dzathu.

Dzindzimo 59:1

Uwe Nungungulu wangu, nyi vbulugise ga valala vangu; nyi vbanyise ga ava va nyi tshanisago.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

Dzindzimo 60:10

Ina khuwe uwe Nungungulu u hi digidego, gani? U si thangeli gambe dzinyimbi dzathu!

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Dzindzimo 79:9

Hi phase Nungungulu muvbanyisi wathu, khu wudhumo nya lina lago, hi tshudzise u hi tsetselela siwono sathu, khu lihaladzo nya lina lago.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 80:3

Uwe Nungungulu, hi wusedze; ngangamedzisa khovbe yago, hi na vbanya.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Dzindzimo 89:19

Gale u ganede khu ndroro ga sithumi sago nya gukatege, khuwe: Nyi ningide tshivba ndrena mweyo, nyi fumiside lidzaha nyi nga li hathago vbakari nya vathu vangu.

Dzindzimo 89:3

Uwe u di khuwe: Nyi giride gidzumeledzwano ni gihathwa gyangu, nyi sambanya ga Dhavhidhe, githumi gyangu, kheni:

Dzindzimo 89:38

Aholu uwe u digide gihathwa gyago, u gi nyenya u gi reda phuvbo!

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

1 Samuweli 13:11

Samuweli a di mu wudzisa, khuye: “Ginani u giridego?” Sawule a di hakha, khuye: Khu gu wona gukheni vathu va ngu phalalegela, ni gu wona gukheni uwe khu vbohi khu matshigu hi ma vegidego, ni gu Vafilisitiya va di tombanide dhoropani ga Makimasi,

1 Samuweli 4:17

Khavbo avbo, uye a nga bani a gu resa mwango a di mu embela, khuye: “Israyeli padwe a tutuma mbeli ga Vafilisitiya, gu songidwe vathu nya vangi ngudzu, gumogo ni sanana sago sa sivili, Hofini ni Fineya, avo navo va songidwe; Ngasa ya Nungungulu yi dzegidwe khu valala.”