Dzindzimo 6:1 - Bhibhiliya Nya Guage

¹ Pfhumu Nungungulu, u nga nyi kawuki nu tade khu likhulo, ambari gu nyi tsayisa nuri ni likhulo.

Dzindzimo 6:1 Iomraidhean Croise

1 Dzikoronika 15:20

Zakariya, Aziyeli, Semiramoti, Jeyeli, Uni, Eliyabhi, Mahaseya ni Bhenaya, va di embelela khu dzimbila ni malito nya gugendze.

1 Dzikoronika 15:21

Matatiya, Elifelewu, Mikineya, Obhedhi-Edhomi, Jeyeli ni Azaziya, va di embelela khu sitendre gasi gu engedzela malito.

Dzindzimo 118:18

Pfhumu Nungungulu a nyi tsayiside khu tshivba, aholu kha nyi ningela gufani.

Dzindzimo 12:1

Nyi vbanyise Pfhumu Nungungulu, kholu, vathu nya gululame va vbede, gutumbega gu mwalo gambe vbakari nya vathu.

Dzindzimo 2:5

A na va embela na tade khu likhulo, a va thela hwanga khu likhulo laye, khuye:

Dzindzimo 38:1

Pfhumu Nungungulu! U nga nyi tsayisi khu likhulo lago ambari gu nyi kawuka nu tade khu likhulo.

Dzindzimo 4:1

Nya gu gu rana nyi hakhe; uwe Nungungulu mulamuli wangu! Uwe u nga nyi vbulugisa musigaradzoni, nyi pwele wuhindzi u hakhe nombelo wangu!

Isaya 54:9

Kha nga idzo nyi giridego gikhatini gya Nowa; avbo nyi nga sambanyago gukheni, mati nya ndrambi gima kha ma na nga langaladza gambe litigo, kharato gambe nyi sambanyide gukheni kha nyi na gu girela gambe likhulo, ambari gu gu tsayisa.

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.