Dzindzimo 59:9 - Bhibhiliya Nya Guage

⁹ Eni nyi na emedwa khuwe Nungungulu wangu, khuwe muvhikeli ni wuthavelo wangu.

Dzindzimo 59:9 Iomraidhean Croise

Dzindzimo 2:4

Wule a vbanyago ndzadzini a ngu va hega; Pfhumu Nungungulu a ngu va tsorodzela.

Dzindzimo 20:1

Pfhumu Nungungulu a na gu hakhe litshigu nya sigaradzo, Lina la Nungungulu wa Jakobe li na gu vhikele!

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 59:17

Eni nyi na gu dhumisa khu gu embelela ga uwe Nungungulu wangu, kholu u muvhikeli wangu, ni wuthavelo wangu, uwe khuwe Nungungulu nya gutumbege u nyi haladzago.

Dzindzimo 62:11

Nungungulu a di ganela gumogo basi, eni nyi mupwa guvili, khuye: “Tshivba ya gu lumba uye,”

Dzindzimo 62:2

Khuye basi a nyi vbanyisago ni gu nyi vhikela, kha nyi na padwa kholu khuye wuthavelo wangu.

Dzindzimo 9:9

Pfhumu Nungungulu a na khala wuthavelo wa vale va saniswago, a va hakha a va tiyisa vbakari nya sigaradzo.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Habhakuka 3:19

Pfhumu Nungungulu, khuye tshivba yangu ni guvbanyiswa gwangu, a na vbindrugedza migondro yangu yi fanana ni ya dziyisya, a na nyi gimbidzisa sigomoni gwangu. (Ga muthuledzeli umo nya sitendre sangu nya wutsendze.)

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.