Dzindzimo 59:16 - Bhibhiliya Nya Guage

¹⁶ Aholu, eni nyi na embelela tshivba yago; dzimindrudzile nyi na khusa lito khu gutsaka nyi dhumisa lihaladzo lago, kholu uwe u khade wuthavelo wangu, nyi thavelago avbo matshigu nya sigaradzo.

Dzindzimo 59:16 Iomraidhean Croise

2 Samuweli 22:3

Nungungulu wangu, giwindri gyangu nyi thavelago avbo; khuye gitshangu gyangu, tshivba nya guvbanyiswe gwangu; ni likhokhola langu li khusegidego Ama muvbanyisi wangu, u nyi vbanyiside, vbakari nya pfilupfilu.

Joba 15:23

A gu legalega a vbweta guhodza na gukhuye: Gomo hayi? Kholu a ngu dziti gukhuye, litshigu nya gidema lomo vbafuvbi gwaye.

Joba 37:23

Mwalo uye a kodzago gu hidzimela ga Uye a gu na ni Tshivba Yatshavbo, Uye khongolo a na ni tshivba tade khu gululama, gima kha tshanisi muthu.

Dzindzimo 101:1

Nyi na embelela wuhindzi ni gululama; nyi na embelela gwago Pfhumu Nungungulu.

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 145:11

Va na ganela khu wudhumo nya wufumu wago, va huwelela mithumo yago nya tshivba,

Dzindzimo 21:13

Khuga khu tshivba yago Pfhumu Nungungulu, ethu khu dzingoma ni dzindzimo hi na rungudza tshivba yago.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 31:7

Nyi na nengela nyi tsaka khu lihaladzo lago, kholu u wonide tshanisa yangu, u tide gusaniseka nya hefemulo wangu.

Dzindzimo 36:5

Pfhumu Nungungulu, lihaladzo lago lomo ndzadzini, lisine lago li ngu vboha kala mapfhini.

Dzindzimo 4:1

Nya gu gu rana nyi hakhe; uwe Nungungulu mulamuli wangu! Uwe u nga nyi vbulugisa musigaradzoni, nyi pwele wuhindzi u hakhe nombelo wangu!

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 5:3

Pfhumu Nungungulu, vbadzimindrutunu u napwa lito langu, vbadzimindrutunu, nyi ngu gu bikela nombelo wangu, nyi khevisela phindrulo yago.

Dzindzimo 77:2

Litshigu nya wuvi, nya gu vbweta Pfhumu; vbakari nya wutshigu, nya gu khusedza mandza nyi lombelela nyamba garala; aholu hefemulo wangu kha wu mani gu tangadziswa.

Dzindzimo 86:13

kholu wuhindzi wago wungi avbo gwangu, u vbanyiside womi wangu phalani nya lufu.

Dzindzimo 88:13

Aholu, eni nya gu lila gwago, Pfhumu Nungungulu, dzimindrudzile, nya gu khusedza nombelo wangu nyi wu yisa iyo gwago.

Dzindzimo 89:1

Oh Pfhumu Nungungulu, nyi na embelela lihaladzo lago kala gupindruga; gikhati gyatshavbo nyi na tivisa gutumbega gwago ga mimelana yatshavbo.

Ekisodha 15:6

Nyamudye wago, Uwe Pfhumu Nungungulu, gu wonegiside tshivba; nyamudye wago, Uwe pfhumu Nungungulu, gu phalalegiside valala.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Varoma 15:9

Gasi va nya mayigo va kodze navo gu rungudza Nungungulu khu kotani nya wuhindzi waye, kha nga gu lovidwego umo nya Milowo nya Guage, pwani: “Khu kharato, nyi na gu rungudza vbakari nya mambe mahundzu, Nungungulu wangu, nyi na embelela wudhumo wago.” Gu lovidwe gambe, pwani:

2 Vakorinto 1:10

Khuye a nga hi vbulugisa, a na simama gu hi vbulugisa gikhati gyatshavbo dzimhangoni nya gufe: Hi vegide Gwaye gutumba gwathu nya gukhethu a na hi vbanyisa.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

1 Samuweli 17:37

Pfhumu Nungungulu a nyi vbulugisidego mandzani nya nghala ni mandzani ga gikankanka, a na nyi vbulugisa gambe mandzani ga Mufilisitiya yoyo.” Khavbo avbo, Sawule a di embela Dhavhidhe, khuye: “Gimbila, Pfhumu Nungungulu a na khale ni uwe.”