Dzindzimo 59:13 - Bhibhiliya Nya Guage

¹³ Va vbedze, va fuvise khu likhulo lago! Gasi va fuve tigoni khavbo va na dzitigo gukhavo Khu Nungungulu a fumago Israyeli, wufumu waye wu ngu enedza litigo latshavbo!

Dzindzimo 59:13 Iomraidhean Croise

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

Dzindzimo 10:7

Khanani gwaye gu tade khu tshamba, gukanganyisa ni gutshanisa; lidimi laye, la gu ganela manyala ni gupoyila.

Dzindzimo 104:35

Sighohi si na fuviswe mafuni momu, ni va nya guvivba va nga manegi gambe, Uwe hefemulo wangu bonga Pfhumu Nungungulu. Bongani Pfhumu Nungungulu.

Dzindzimo 109:17

Uye a di gu gola gu vala vathu vakwawe, olu givalo nya vathu gi na mu thegele uye; a di si goli gu kategisa, olu gima a nga kategiswi.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

Dzindzimo 64:9

Vathu vatshavbo va na thava, va huwelela mithumo ya Nungungulu, va pima esi a thumago.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Mavingu 12:13

Muthu nya guvivbedwe khu monyo, a gu dzi modzisa khu magana yaye nya guwegele, aholu uye a lulamidego a na vbuluga musigaradzoni.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Ezekiyeli 38:23

Khu magirelo yoyo, eni nyi na yeyedza wugulu ni gu aga gwangu, nyi na tidwa mahoni ga va nya mayigo; havbo mu na nyitigo gukhenu Eni kheni Pfhumu Nungungulu.”

Ezekiyeli 39:7

Nyi na gira lina langu nya guage li tidwa vbakari nya vathu vangu va na Israyeli, gima kha nyi na diga gambe lina langu nya guage li nyenyeziswa; ni va nya mayigo va na dziti gukhavo kheni Pfhumu Nungungulu, a Agidego wa Israyeli.

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Mitengo 32:13

Khu guralo, Pfhumu Nungungulu a di goroga, a wugela va na Israyeli, a va gira va legalega giwulani gipimo nya magumana myaga, kala gu vbela melana watshavbo nya vale va nga gira guvivba mbeli ga Pfhumu Nungungulu.